Donaya Market, un bocado de Asia no centro da Coruña

● Este novo establecemento enriquece a oferta de restauración coruñesa achegando unha proposta gastronómica única en Galicia que inclúe tapas, pratos e tenda de produtos especializados.

● Sitúase na rúa San Andrés nº 5 (esquina con Torreiro) e abre as súas portas o vindeiro sábado 22 de xuño.

‘Don Nan Xa’ é o nome que recibe unha parte do territorio do sueste asiático. Desde o vindeiro sábado 22 de xuño de 2024, reconvertido a ‘Donaya Market’ aspira a ser tamén un espazo gastronómico de referencia na Coruña e a súa área metropolitana para as persoas amantes dos sabores desta parte do mundo.

Donaya Market é unha nova proposta gastronómica que lembra aos postos rueiros que podemos atopar en diferentes enclaves do sueste asiático. As persoas que visiten deste local atoparán unha carta con tapas e aperitivos, e tamén con diferentes tipos de ramén.

Donaya Market está situado no nº 5 da rúa San Andrés, facendo esquina coa rúa Torreiro, e abrirá as súas portas ao público o vindeiro sábado 22 de xuño. Previamente a noite do venres levará a cabo un acto inaugural privado.

Tanto os veciños da cidade herculina e a súa comarca, como aqueles que a visiten como turistas, poderán gozar dunha formulación culinaria diferente ao que ata o de agora podíase degustar na cidade. Irse de tapas con sabores a Asia é agora posible na Coruña.

Cada detalle está coidado con mimo. A vaixela foi elixida en China e Xapón para dar aínda máis autenticidade á presentación das viandas.

Tenda de produtos especializados

Nada máis entrar en Donaya Market atopámonos cun espazo de tenda especializada que permitirá aos clientes poder facerse cos ingredientes necesarios para elaborar nos seus fogares aqueles pratos cuxo sabor lles cativaron tras probalos neste novo local coruñés.

Neste establecemento, a comida asiática fusiónase con produtos da terra. Por exemplo, o caldo para o ramén elabórase a diario cocendo a lume lento espinazo de tenreira galega. E pronto haberá repolo de Betanzos sumándose aos ingredientes dalgunhas das creacións que sairán dos fogóns de Donaya Market. A pasta tamén é fresca e elaborada polo equipo de cociña que comanda o chef Liu.

A cociña, en formato aberto, fai que a transparencia forme parte do ADN deste novo establecemento onde a elaboración dos diferentes pratos e tapas poderán seguirse polos clientes en vivo.

Carta ampla e variada

Entre os pratos e tapas que poderán degustarse en Donaya Market están propostas como: takoyaki, gyozas, karaage, baos, carpaccio de lingua de wagyu, macedonia de verduras, ensalada de alga wakame, bambú ou kimchi estilo coreano. A carta de ramén é extensa e conta mesmo cunha opción fría ideal para o verán.

A ampla e variada carta conta tamén opcións veganas e vegetarianas.

O espazo

A decoración está presidida por un mural pintado na parede que lembra a unha paisaxe oriental e que ocupa todo o fondo do local circulando ata o teito onde as ramas das árbores floridas cobren as cabezas da clientela que sente nesa zona.

Na área de restauración hai pequenas mesas, así como unha barra. Aínda que se pode comer con calma, o local concíbese como unha zona de tránsito buscando recrear o concepto dos postos rueiros do sueste asiático.

Proximamente haberá unha zona de terraza na rúa Torreiro que este verán permitirá aínda máis aos clientes de Donaya Market vivir a experiencia deses espazos a pé de rúa que inspiran o establecemento.

Amplo horario de cociña

Os horarios de atención ao público de Donaya Market serán no seu arranque os seguintes:

● De martes a xoves: 11:00 – 23:00

● Venres e sábado: 12:00 – 00:00

● Domingo: 12:00 – 23:00

● Luns pechado

A cociña estará sempre aberta nese horario de tal forma que sexa cal for a hora á que ao noso padal apetézalle un ramén podamos tomárnolo. De feito, hai lugares en Xapón nos que se almorza unha variedade deste prato.

Donaya Market é, en definitiva, unha proposta culinaria diferente, exótica e actualmente única na Coruña. Un concepto de restauración ligado á cociña asiática que cativará a coruñesas e visitantes da urbe galega. Un bocado de Asia en pleno centro da cidade. Apetecible, verdade?